Шинийг сэдэх бодлогын онол : Маслоугийн хэрэгцээний шатлалын онол ба гэрлэлт

(Биднийг хэрэглээний нийгэмд амьдардаг гэцгээдэг, харин тэр хэрэглээ гээч юмны талаар бичсэн хүн олон ч Маслоу гэгч еврей энэ тал дээр нэлээдгүй нэртэй нэгэн тул түүний онолын талаар бичсэн блогчны бичлэгийг хуулан тавьлаа. Т.Батууг)

Маслоугийн хэрэгцээний шатлалын онол ба гэрлэлт

Арван жилийн нийгмийн хичээл дээр Маслоу хэмээх нөхрийн тухай сонсоод, мянга анхаарлаа төвлөрүүлэх гэж хичээгээд гохонжий байлаа. Асуугдахдаа номноос 2 өгүүлбэр цээжлээд, багшийгаа хөнгөхөөн “хулхилаж” чадсан. Эр нь өсөөд, эсгий нь нимгэрээд ч тэр үү? Хутга нь үхрийн сүүлэн дээр очоод ч тэр үү? Амьдралын эрхээр энэ онолыг ойлгосноо сийрүүлсү.

Маслоу хэрэгцээний шатлалын хундаамыг физилогийн хэрэгцээ гэнэ. Үүний нэг тал нь сээгэс. Аймар орлого багатай нэг баагий физилогийн хэрэгцээгээ хангахын тулд эм хүйстэй л бол эрлэг тоохгүй байсан ч яахав гэдгээр хандана. Энэ үед тэрээр нэг эхнэр төрхтэй юмтай болох бөгөөд өдөржин явсны эцэст оройдоо эхнэрээ нэг “начигнуулж” хаяад л гүйцээ. Эхнэр нь юм хум нэхэж новширвол салаавч гаргана. Эхнэрээ байгаагаар нь л байлгана. Эхнэр салаад явбал араас нь хөөж, тууж доошоо орохгүй бөгөөд өөр нэгийг олоод авна. Эсвэл эхнэр нь буцаж ирнэ, сайндаа л өөр нэг яг адилхан хар юмтай болно. Угаасаа илүүг мөрөөдөцгөөгөөд ч хэрэг байхгүй. Нөхөр бага зэрэг ухаарал авсан уу? Яасан? Жоохон мөнгөтэй боллоо. Энэ үед тэрээр эхнэрээ усанд орж, өглөөдөө нүүр гараа угаахыг шаардана. Ядаж л өөрт нь байнга “бэлэг” өгөөд байлгахгүйг бас шаардана. Харьцаа бол өнөө хэвэндээ ш дээ.

Нөхөр сайжирвал эхнэр бас сайжрах ёстой. Энэ нь зүй бус шаардлага биш гэдгийг бидний өвөө эмээгийн, өвөө эмээгийн бла бла өвөө эмээ холбоотой хоёр нохойны жишээн дээр тайлбарлажээ. Үүнийг Маслоу гуай аюулгүй байдлын хэрэгцээ гэж шугам ашиглаж зурсан 3 талт дүрсний доод талаас 2-т бичжээ. За энэ удаад ёстой л хэн нэгэн тусалсан байх аа даа.

Дахиад орлого өслөө. Босс-ынхоо дээгүүр доогуур гүйж авдаг хэдээ бага зэрэг нэмүүлсэн биз. Олдохоор өлдөнө гэгчээр хэрхэн үрэхээ шийдэх хань хэрэгтэй боллоо. Эцсийн сонголт эхнэр байлаа. Түүнтэйгээ ярилцана, шийднэ. Цалин нэмүүлсэн тул атаа жөтөө явна. Бас тэрийгээ ярих хэрэгтэй болно. Хүн угаасаа нийгмийн амьтан гэдэг үгийг зүрхэндээ авсны дараа эхнэрээс өөр сонголтгүй үлдэнэ. Үүнийг Маслоу гуай Нийгмийн хэрэгцээ гэж чихэнд нь гурав шивнэжээ.

Энэ шатанд эхнэрээс арай илүү ухаан шаардана. Ядаж л шар сониноос уншсан зүйлээ гүйцэт ойлгож, тайлбарлаж ярих анхан шатны шаардлага хангах хэрэгтэй. Хангахгүй бол баая баая. Дараагийн сонголт. Эрэлт байвал нийлүүлэлт байдаг тул өөр хэн нэгэн нь олдоно. Илүү харж билүү долоовоос бухын доодохыг харж үнэг турж үхэхийг үлгэр болно. За тэгээд манай нөгөө нөхөр тушаал дэвшлээ. Аваргыг давж гэгчээр нулимчихсан дайсантайгаа цалингийн цэсээ солилоо. Тэгэхээр чинь хүн амьтан хүндлэх шаардлагатай биз дээ. За тэгээд ажил дээр нь зарим нэг баагий ар өврөөр хутга шааж байснаа мартан гүйж эхэлсээр байгаад муу зан сургаад энэ нь гэр бүлийн амьдралд нөлөөлнө.

Энэ үед эхнэрээс шар сонингийн нийтлэл ярихаас илүү ухаан шаардах бөгөөд үүний тулд арай илүү ухаантай царайлах шаардлага гарна. Нөхрөө хүндлэх ёстой. Чадахгүй бол дахиад баая шүү дээ. Эмэгтэйчүүдэд захихад үүнийг нь эртнээс мэдэж сургууль соёл төгсөж байвал сайн. Үгүй бол гудмаар дүүрэн лааз өшиглөсөн дипломтой өрсөлдөгчид. Тэрнээс арай гайгүй нэг залуухан алтан загасыг нөхөр чинь өлхөөн дэгээдээд авахаа мэднэ. Үүнийг хүндлүүлэх хэрэгцээ гэнэ. Эмэгтэйчүүдийн гомдохгүй байх шалтгаан нь дэээээээээээээээр өгүүлсэн холбоотой хоёр нохой шүү. Хэхэ. Дахиад сайжирлаа.

Энэ удаад сайн нэгэн нь компанийнхаа дор хаяж Си.И.Өү болно. Эсвэл бүх ноу-хау-г нь мэдэж аваад шинэ хампаан байгуулаад гарна. Энэ үед өөрт нь янз янзын пиар хийх шаардлага гарна. Энд Маслоугийн гурван өнцөгт дүрсний орой дээрхи “өөрийгөө илэрхийлэх” хэмээх хэсгийн тайлбарласан бөлгөө. Сурталчилгаанд хамгийн хөөрхөн нь зүйл хүүхэд, нохой, хүүхэн гурав. Пиарт бол жоохон апдэйт хийгээд хүүхдийн хандив, хобби, хань ижил болно. Эхнэрийн зурагтаар гарах хэрэгцээ нэмэгдэх тул аятайхан дүр төрхтэй байх ёстой. Үүний 2 зам нь нэг бол паластик хагалгаа, үгүй бол өөртөө бага зэрэг апдэйт хийх. Гэхдээ дэмжээд дэмжээд явахгүйн тухай зовлон бий. Өөртөө хийсэн бага зэрэг апдейт шаардлага хангахгүй бол паластик хийлгэж татуулж, шахуулж, соруулна. Гэхдээ энэ нь хар пиар болох тал бий.

Тиймээс “ориг” бүтээгдэхүүн хайж эхэлнэ. Үүнийг эр хүний эрэвлээксээр өөрийн мэдэлгүй хийх бөгөөд хааяахан уригдсан найр цэнгээн, загварын шоун дээр аятайхан ориг бүтээгдэхүүн “чихдэнэ”. “Сайн нэрийг олох амархан, Хадгалах хэцүү”. Үүний адилаар айлын эрх танхи, нялх нойтон хүүхдийн хайрлах ёстой. Зарим нэг нь үүнийг мэдсээр байж мөрийтэй тоглоом, архи гэх мэтэд халаасаа сэгсэрнэ. Залуухан аятайхан ориг бүтээгдэхүүнд энэ нь таалагдахаа болино.

Энэ нь эмэгтэй хүний хувьд энэ нь ч гэсэн “өөрийгөө илэрхийлэх” хэрэгцээ шүү дээ. Нөхөр нь тэр хэрэгцээг нь хангахуйц байр, сав, машаан тээхниг нтр хүчрэхээ больсон тул баая баая. Харин нөхрийн хувьд “баая баая” биш “си ю” гэж хэлдэг нь нууц биш. Эхнэрээ салсан тэрээр амьдралаа эргэцүүлэн хуучин эхнэр дээрээ очлоо. Тоосонгүй. Гуйлаа зөвшөөрсөнгүй ээ. Өөрийг гуйлаа. Зөвшөөрлөө. Ёоох. Залхуу хүрчихлээ. Дараа үргэлжлүүлье. За за. Үргэлжлүүлэх ч шаардлагагүй биз. Яг эсрэгээ явна шүү дээ.

(http://ereever.blogspot.com/2010_03_01_archive.html блогоос авав.)

 

 

start=-48 , cViewSize=50 , cPageCount=1

2 сэтгэгдэл:

null
Тав дугаар сар

Маслоу их ухаантай хүн байж этр

Зочин

Уншихад үнэнэ хүндрэлтэй эсүүл би өөрөө тийм хүнд хүн байх нь :Ө

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)